上期推介海螺創業（00586）今天最高做過$20.95，三天升了近5%，維持中線目標24.7，止蝕位推高至$19.8。
華誼騰訊娛樂（00419）從事娛樂及媒體業務、線上健康服務、線下健康及養生服務。 根據2017年中期業績年度顯示，回顧期內，娛樂及媒體業務和線上健康服務之收入均錄得顯著增長，線下健康及養生服務之收入則稍為下跌，致使集團實現總收入約67,332,000港元，同比增長近5%。然而，集團於回顧期內錄得72,770,000港元之綜合淨虧損，主要由於於回顧期內需要對部分電影版權資產、預付款項及對聯營公司的投資進行減值撥備，娛樂及媒體業務錄得分部虧損約71,374,000港元。
股仔睇業績， 看基本面好多時我唔會敢買。 所以基本上都唔使點睇，但必需要看資金能量。 但又不是冇要求的，首先，有看開筆者文章的都知道， 筆者亦有一個股票不賣入名單， 而且非常多!有432隻! 條件就是$0.50以下股票不沾手。
筆者做過統計， 呢類咁刺激嘅股票大部分人在次數上，有不少人贏多過輸的， 有的更十次贏八次。 但是總回報上卻往往是可能因為一隻股票而倒輸， 其中一個原因就是沒有做好止蝕，亦可能急跌來不切止蝕。所以筆者避開呢類股票，長線到最後應該可以避免損失。
講番華誼騰訊娛樂， 純粹技術分析， 只要今天能站穩$0.50以上收市，筆者系統便會發出買入訊號。 策略上非常簡單，跟上星期海螺創業一樣做法， 收市企穩$0.50以上買入， 絕不能偷步，亦不能高追$0.52之上，首目標先看$0.61， 跌穿$0.47嚴守止蝕。 這樣便能做到止蝕位距離細過止賺位距離， 這才叫有值博率，我喜歡!
筆者是證監會持牌人士，並未持有上述股票
實時組合變動情況，大家可以加本人Facebook：投資世界－常歡